O 23 de febreiro de 2003 centos de milleiros de persoas manifestáronse na capital do Estado convocadas pola Plataforma Nunca Máis para esixirlle responsabilidades politicas ao Goberno pola xestión da catástrofe.
Un grupo de investigadores liderados pola profesora da Universidade de Vigo, Ana Bernabeu, vén de publicar un estudo no Journal of Hazardous Materials que detecta a chegada de cantidades "baixas pero persistentes no tempo" de galletas de chapapote ás praias de Nemiña e O Rostro.
Estaba previsto que Huellas de chapapote se emitise en Documentos TV o pasado domingo pero a programación mudou no último momento co argumento de que se está a desenvolver o xuizo pola catástrofe e que a cadea non quere "interferir en procesos abertos"
O ex ministro de Fomento elude calquera responsabilidade e cre que as decisións foron "as correctas e axeitadas". Xustifica que fose de cacería durante a catástrofe e apela ao vitimismo. "Non me imaxino o xefe dos bombeiros de Nova York sentado nun tribunal polo 11-S", dixo.
O ex delegado do Goberno advirte de que "a mentira tería un percorrido moi curto" e asegura que el non tiña "capacidade" para tomar decisións durante a catástrofe e que non deu "ningunha instrución a ninguén". Cualifica a xestión do accidente de "impecable".
Considera "inaceptable" o rumbo fixado polas autoridades españolas ao Prestige e asegura que esperaba a autorización do Goberno para resgardar o petroleiro.
