Praza Pública - Últimas opinións

Jorge Melero de la Calle: Réquiem polo "xornal" de Galicia (e epílogo esperanzado)

Jorge Melero de la Calle — Thu, 17 May 2012 20:00:03 +0200

Falemos claro: Xornal de Galicia, Galicia Hoxe, Vieiros, A Peneira e A Nosa Terra morreron porque representaban un xornalismo comprometido e crítico, en galego, co que os poderes non comungan. Así que, polo seu ben, non se laien, fagan a partir de hoxe un acto de resistencia cívica e histórica, e devólvanlle o que recibiron de tantos xornais desaparecidos en combate: consuman imprensa en galego, en papel e dixital, e sobre todo fagan porque esta se poida desenvolver

Praza Pública: Reivindicar, festexar, vivir o galego

Praza Pública — Thu, 17 May 2012 09:07:49 +0200

Hoxe é día de reivindicar, mais tamén de festexar. E mañá será día de vivir en galego con normalidade.

Diego Taboada: Reinventar o "universalismo"

Diego Taboada — Thu, 17 May 2012 08:37:39 +0200

Se un se distancia o suficiente do ansioso espírito de salvación que circula ás veces por determinados ambientes culturais da esquerda anti-sistémica e extra-parlamentaria e observa, ademais, con detenimento, a irracional urxencia electoralista que se respira no sistema de partidos, onde imperan as ideoloxías soft dos catch-all parties, coa súa máxica oferta electoral para tódolos gustos, é difícil non chegar á conclusión de que hai algo que os seres humanos aínda non aprendemos a xestionar ben, e ese algo é, falando claro, o poder: non sabemos xestionar o poder. Non sabemos ofrecerlle resistencia interior ás consecuencias da súa concentración e exercicio.

Joám Lopes Facal: De símbolos e discursos

Joám Lopes Facal — Thu, 17 May 2012 08:37:13 +0200

O nosso é um nacionalismo rico em simbolismos e o símbolo, o signo, a base da comunicaçom. Somos animais simbólicos, já é sabido, e a potência do signo supera à do abstracto raciocínio. Sabem-no os economistas quando falam de activos intangíveis ou de valor de marca -Zara, Pescanova, Citroën mesmo- que outra cousa nom som que signos para diferenciar o genuíno do sucedáneo. Umha questom, a propósito: como é que o nacionalismo galego, com tam rico acervo simbólico, nom é capaz de fazê-lo valer para avançar em reconhecimento social? Se o nacionalismo possui tam reconhecida e imitada marca de qualidade, porque é tam estreito o seu mercado?

Begoña Outeiro: Doodle e Making Off

Begoña Outeiro — Wed, 16 May 2012 19:57:18 +0200

A sociedade civil, ese carracho molesto que tanto patexa e que segue a defender un papel con personalidade de seu vén de amosar que hai moitas ganas, talento, vontade e capacidade de mobilización. Xa que logo deberiamos estrear o tempo das sinerxias, de querer entender a filosofía implícita na figura dos Castellers coa que Google comezou a súa andaina na península apostando dun xeito acertado por unha oferta variada comprensiva co galego á hora das escollas lingüísticas. Todo o demais parece que de momento non toca. Até cando?

Aida Vasques Varela: Corunha deve mobilizar-se polo emprego

Aida Vasques Varela — Wed, 16 May 2012 08:21:32 +0200

A começos do mês de abril NÓS-Unidade Popular denunciava a desastrosa situaçom sócio-laboral da comarca da Corunha: quase 10% da populaçom da cidade está no desemprego. O total de pessoas que vivem tal situaçom no conjunto da Comarca, supera já a dramática cifra de 30.000. Todos os dias acordamos com um conflito coletivo novo e todos os meses encerram negócios e empresas e centos de pessoas passam a fazer parte da numerosa legiom de excluídas do mundo do trabalho.

Fernando del Río: Mudar a cosmovisión

Fernando del Río — Wed, 16 May 2012 08:20:49 +0200

A sociedade española confronta o reto de saír da grave crise económica e institucional que padece. Para iso son necesarias novas políticas públicas que logren sacarnos do lamazal. Porén, acredito en que estas só son posíbeis se se produce un xiro copernicano na cosmovisión predominante, especialmente nos países do sur de Europa. Debemos recoñecer que o mercado concorrencial xeralmente produce resultados eficientes debido ás súas virtudes informacionais e de incentivos e que, por tanto, o Estado debe reservarse un rol subsidiario: só debe estar presente alí onde o mercado falla.

Xulio Ríos: Irlanda en Plácido Castro

Xulio Ríos — Tue, 15 May 2012 20:00:41 +0200

Irlanda foi un referente esencial para os galeguistas do século pasado. Dende Otero Pedrayo a Risco pasando por moitos outros, Irlanda estaba en boca de todos tanto se falásemos de historia, de literatura, de arte, como, por suposto, de política. Non obstante, de todos eles, Plácido Castro foi o único que de certo naquela altura pisou terras irlandesas. Iso, xunto ao seu fondo coñecemento das complexas relacións con Inglaterra, onde se formou e residiu boa parte da súa vida, proporcionoulle unha auctoritas que ninguén discutía.

Farruco Graña: Recompoñer a paisaxe

Farruco Graña — Tue, 15 May 2012 08:35:50 +0200

Velaí o infortunio dunha clase dirixente (política e económica) que asiste impotente á traxedia de quen renegou de si mesmo como colectividade en aras de ser mellor considerado e agora atópase con que fan del un pandeiro que, por moi de cacique que sexa, vai rachar en mil e un anacos. Ver agora ao conselleiro de industria facendo de antieuropeísta polo tax-lease, ou ao presidente da Xunta querendo aparentar defender a lingua galega por unha actuación concreta no Parlamento español, ou querendo dar a impresión de ameazar con romper a baralla se Galiza non recibe o mesmo trato que outros, da mágoa.

Xoán Antón Pérez-Lema: A España do caos

Xoán Antón Pérez-Lema — Tue, 15 May 2012 08:35:12 +0200

Sendo a herdanza recibida polo PP unha pexa moi grande, en catro meses Rajoy alargou a sensación de malestar económico e xerou o caos. A desconfianza a respecto de Rajoy e do PP xa se fixo, polo menos, tan potente coma a desconfianza a respecto do goberno ZP, ao que contribuíu certamente o adiamento ou agochamento de determinadas medidas como trampa para gañar as eleccións andaluzas.

Mariló Candedo: Pola lingua que nos une, vaiamos a Compostela

Mariló Candedo — Mon, 14 May 2012 08:52:53 +0200

Convocados pola plataforma cidadá Queremos galego, o vindeiro día 17 de maio temos unha nova cita para reclamarmos o dereito do país a conservar e normalizar o idioma propio. De novo as rúas de Compostela converteranse nun espazo para o encontro entre aquelas persoas e colectivos que non queren renunciar a vivir en galego.

Pepe Árias: Só pode dar-se um processo

Pepe Árias — Mon, 14 May 2012 08:17:53 +0200

Caminhar de novo a um marco onde a militancia esteja sequestrada nom é nem tam sequer umha hipótese de trabalho, já que isso sim seria repetir modelos caducos. A sociedade continuará organizando-se dentro ou fóra do novo referente. Só fica saber de que lado estará quando a mocidade volte sair às rúas para dizer que nom, que nom, que nom nos representam.

Tati Mancebo: The Time We Are a-Changin'

Tati Mancebo — Mon, 14 May 2012 08:13:08 +0200

Se na redacción da Time non eran alleos á polémica que podían desencadear, entón é que esta foi conscientemente provocada, opción pola que me inclino. Con toda probabilidade entre as tendencias ideolóxicas e éticas dos membros do equipo da revista acollen, máis ou menos desenvolvidos, todos os estereotipos de lectores e lectoras que durante estes días teñen discutido na web sobre liberdade, lactación, perversión, exhibicionismo, manipulación, dereitos, inocencia, bioloxía, multinacionais, maternidade, mercado, beleza, explotación, arte, relixión, dereito, provocación, futuro, infancia, desvío de atención, paternidade, corrupción, naturalidade...

Manuel González López: Indignación

Manuel González López — Sat, 12 May 2012 20:05:42 +0200

33 millóns de euros, esa é –segundo a información publicada- a cantidade que van recibir por “auto-outorgación” catro antigos directivos das dúas caixas agora fusionadas en Novacaixagalicia en concepto de pensións por xubilación. A isto hai que sumarlle as tamén millonarias indemnizacións que recibiron ao abandonar a entidade. Indignante é o único cualificativo que pode merecer isto.

Millán Fernández: Capitán de Abril, sae á rúa!

Millán Fernández — Sat, 12 May 2012 09:56:49 +0200

A prometida terra da fraternidade está en descomposición e urxe tecer a súa recomposición polo ben común aínda que vaia gañando, de lonxe, a implacable e predominante anti-utopía. Aquela que Pierre Bordieu resumira así: “A utopía neoliberal de un mercado puro e perfecto supón a destrucción de todas as resistencias colectivas. Conducirá a un mundo darwiniano onde todos loiten contra todos. E, sen embargo, a transición a ese mundo prodúcese de forma imperceptible, como a deriva dos continentes”. Pois nesas andamos

Juan Carlos Fernández Naveiro: Primaveras

Juan Carlos Fernández Naveiro — Fri, 11 May 2012 18:27:17 +0200

Benvido sexa o debate sobre as fórmulas para o crecemento, pero que non impida contemplar o esencial: o desenvolvemento do capitalismo xerou o monstro dunhas débedas impagables porque obedecen a desequilibrios crecentes. E corremos a aplicarlle ao enfermo a mesma medicina que o envelenou, inxectando diñeiro para resolver problemas que en parte foron creados polos excesos de liquidez, incidindo nas mesmas disfuncións do mercado.

Praza Pública: Todas as caras da involución

Praza Pública — Fri, 20 Apr 2012 18:32:01 +0200

Cando Grecia –ese país do que hoxe case só se escoita falar como exemplo a evitar– creaba os alicerces da civilización europea, un dos deuses máis populares era Hermes. Escuro, complexo e probablemente produto do sincretismo con outras figuras míticas, soía ser representado con tres caras: a de mensaxeiro dos deuses e mediador perante eles; a de protector de pastores e rabaños; e a de inspirador do comercio, o engano e a astucia. De certa maneira, esas tres facetas constitúen unha síntese das principais crises que, xunto coa ecolóxica, hoxe sofre a humanidade: a institucional, a alimentaria e a económica.

Praza Pública: Fragas do Eume: urxen respostas

Praza Pública — Sun, 01 Apr 2012 16:02:36 +0200

Praza Pública: Praza Pública ante a folga xeral

Praza Pública — Wed, 28 Mar 2012 09:49:07 +0200

Praza Pública, como xornal nacido para o cambio, non pode deixar de tomar partido: estamos, rotunda e inequivocamente, por unha folga xeral masiva e exitosa, capaz de marcar un punto de inflexión no social e no político tanto na defensa das conquistas sociais dos últimos 150 anos como na definición dunha maioría alternativa ao discurso e á práctica política desta dereita neoliberal. Os xornalistas que compoñemos a redacción de Praza Pública tomamos a decisión de facer folga e de apoiala activamente. E consideramos que o mellor labor que podemos facer para favorecer o seu éxito é informar sobre ela, sobre os motivos que a fan necesaria e sobre as manifestacións convocadas para este día.

Praza Pública: Posición ante o tratamento informativo da Operación Campeón

Praza Pública — Thu, 08 Mar 2012 21:17:02 +0100

A partir deste xoves Praza Pública comeza unha serie –presumiblemente longa e demorada no tempo– de artigos de elaboración propia sobre a Operación Campeón, que constitúe a investigación máis ampla dos últimos anos a respecto da relación entre empresas, institucións públicas e cargos políticos en Galicia.

Praza Pública: Feijoo, o home que reina mais non goberna

Praza Pública — Mon, 05 Mar 2012 21:08:53 +0100

Tres anos despois da vitoria electoral que o levou á presidencia da Xunta de Galicia, Alberto Núñez Feijoo pouco ou nada ten que ofrecer no capítulo de logros, mentres que no seu debe non deixan de acumularse os fracasos tanto nos temas de Estado (Estatuto de Autonomía e financiamento autonómico) como na xestión económica, na atención aos pilares do Estado de benestar, nas incumpridas promesas de transparencia e loita contra a corrupción, na protección do medio ambiente ou na implantación da pax linguistica.

Praza Pública: A unidade de acción non é unha opción: é unha necesidade

Praza Pública — Sun, 12 Feb 2012 14:28:39 +0100

As mobilizacións conxuntas contra a reforma laboral da función pública autonómica ou en defensa do sector naval de Ferrolterra deben ser o exemplo que guíe esa acción sindical conxunta, pois a pesar de erros como a convocatoria unilateral dunha folga xeral por parte da CIG, hai tempo para construír unha unidade de acción que inclúa os 3 grandes sindicatos pero tamén outros minoritarios e sectoriais

Praza Pública: A construción naval precisa respostas

Praza Pública — Tue, 07 Feb 2012 11:56:10 +0100

Os estaleiros públicos e privados instalados en Galicia están a padecer unha nova reconversión. Á ausencia de novos contratos súmaselle a ausencia de apoio institucional e a suspensión dun sistema de bonificación fiscal que rebaixaba en ata un 35% o prezo dos buques

Praza Pública: BNG e PSOE: Derrota e continuísmo

Praza Pública — Sun, 05 Feb 2012 18:55:15 +0100

O Congreso do PSOE e a Asemblea Nacional do BNG tiveron varios puntos en común: dúas candidaturas cun nivel de apoio case idéntico, partido ao 50%, e a elección finalmente, da opción máis continuísta

Praza Pública: NGB é unha cuestión de país

Praza Pública — Fri, 03 Feb 2012 13:49:43 +0100

Malia ás interpretacións optimistas filtradas pola Xunta, a intención explícita do Goberno central é a de poñer en venda a participación que ten en Novagalicia Banco. Esta é superior ao 90%, o que implica a subhasta dunha empresa de crédito vital para a economía do país.

Praza Pública: O desemprego non se cura con austeridade

Praza Pública — Thu, 02 Feb 2012 11:07:23 +0100

O recorte de gasto por parte das administracións públicas reflectiuse nun incremento exponencial no número de desempregados no terceiro sector. O pasado mes de xaneiro foi o segundo peor de toda a serie histórica. En Galicia o desemprego medrou case dous puntos por riba da media no último ano.

Praza Pública: O xornal da Galicia que vén

Praza Pública — Tue, 31 Jan 2012 12:13:15 +0100

Praza Pública nace para romper un cerco de silencio que afoga tantas voces valiosas, para crebar o pesimismo que se nos intenta impoñer como fe fatal. Praza Pública (ou simplemente Praza, a vosa praza) nace porque cremos no país e nas súas xentes, nesa Galicia moderna e sen complexos que ten todo o futuro que sexa capaz de atreverse a soñar e a facer seu.