Praza Pública - Últimas actualizacións

Reperkusión abre as súas portas co primeiro dos dous concertos de Manu Chao

Redacción — Thu, 17 May 2012 20:48:42 +0200

Este xoves 17 de maio comeza a décima edición do Festival Reperkusión: tres días e tres noites de festicultura, con circo, pasarrúas, mercadiño e moita
música. Manu Chao é o cabeza de cartel do festival: ofrecerá dous concertos (xoves e sábado) nunha edición que por primeira vez se celebra na Cidade dos Muchachos de Bemposta, en Ourense.

Réquiem polo "xornal" de Galicia (e epílogo esperanzado)

Jorge Melero de la Calle — Thu, 17 May 2012 20:00:03 +0200

Falemos claro: Xornal de Galicia, Galicia Hoxe, Vieiros, A Peneira e A Nosa Terra morreron porque representaban un xornalismo comprometido e crítico, en galego, co que os poderes non comungan. Así que, polo seu ben, non se laien, fagan a partir de hoxe un acto de resistencia cívica e histórica, e devólvanlle o que recibiron de tantos xornais desaparecidos en combate: consuman imprensa en galego, en papel e dixital, e sobre todo fagan porque esta se poida desenvolver

Paz-Andrade, político: a loita por unha "Galicia autónoma, señora de si"

Montse Dopico — Thu, 17 May 2012 19:00:12 +0200

Repasamos a longa e intensa actividade política do homenaxeado nas Letras, dende os anos anteriores á Segunda República ao seu papel protagonista na Transición, pasando pola súa actividade no Partido Galeguista e durante a ditadura franquista.

O Vigo de Paz-Andrade centrou os actos oficiais do 17M

Marcos Pérez Pena — Thu, 17 May 2012 15:05:50 +0200

Concello, RAG e Xunta homenaxearon o empresario, poeta e políticos, nuns actos aos que asistiu numeroso público e nos que interviron Xavier Vence, Manuel Rivas, Ramón Villares, Xosé Ramón Barreiro ou Xesús Alonso Montero, ademais de Méndez Ferrín, Abel Caballero, Alfonso Paz-Andrade ou o presidente da Xunta Alberto Núñez Feijoo.

O amor pola lingua asolaga Compostela

David Lombao — Thu, 17 May 2012 14:06:00 +0200

Milleiros de persoas secundan a manifestación de Queremos Galego "contra os ataques" ao idioma e fan rebordar a Praza da Quintana. Galería de imaxes no interior

O día das Letras celébrase nas rúas... e na rede

Marcos Pérez Pena — Thu, 17 May 2012 11:14:51 +0200

A Real Academia Galega, a Coordinadora de Equipos de Normalización, a CRTVG, Cultura Galega, a Fundación Barrié ou dous proxectos en GalegoLab presentan propostas ou contidos especiais ao redor do 17 de maio. Destaca, principalmente, o Caderno realizado pola RAG, en colaboración coa AELG, a AGE e outras entidades e que compila 50 cartaces e 50 textos dedicados ao medio cento de autoras homenaxeadas e realizados por outros tantos deseñadores e escritores de todas as xeracións.

17 Vitaminas para os medios e para a lingua

Redacción — Thu, 17 May 2012 10:36:52 +0200

Vitaminas para o galego estrea web no día das Letras, con vídeos nos que dende 17 lugares do mundo (de Irlanda a París pasando pola Patagonia ou Granada), 17 centros de ensino e 17 concellos galegos, distintas persoas len o manifesto da plataforma de medios de comunicación en galego.

Reivindicar, festexar, vivir o galego

Redacción — Thu, 17 May 2012 09:07:49 +0200

Hoxe é día de reivindicar, mais tamén de festexar. E mañá será día de vivir en galego con normalidade.

Reinventar o "universalismo"

Diego Taboada — Thu, 17 May 2012 08:37:39 +0200

Se un se distancia o suficiente do ansioso espírito de salvación que circula ás veces por determinados ambientes culturais da esquerda anti-sistémica e extra-parlamentaria e observa, ademais, con detenimento, a irracional urxencia electoralista que se respira no sistema de partidos, onde imperan as ideoloxías soft dos catch-all parties, coa súa máxica oferta electoral para tódolos gustos, é difícil non chegar á conclusión de que hai algo que os seres humanos aínda non aprendemos a xestionar ben, e ese algo é, falando claro, o poder: non sabemos xestionar o poder. Non sabemos ofrecerlle resistencia interior ás consecuencias da súa concentración e exercicio.

De símbolos e discursos

Joám Lopes Facal — Thu, 17 May 2012 08:37:13 +0200

O nosso é um nacionalismo rico em simbolismos e o símbolo, o signo, a base da comunicaçom. Somos animais simbólicos, já é sabido, e a potência do signo supera à do abstracto raciocínio. Sabem-no os economistas quando falam de activos intangíveis ou de valor de marca -Zara, Pescanova, Citroën mesmo- que outra cousa nom som que signos para diferenciar o genuíno do sucedáneo. Umha questom, a propósito: como é que o nacionalismo galego, com tam rico acervo simbólico, nom é capaz de fazê-lo valer para avançar em reconhecimento social? Se o nacionalismo possui tam reconhecida e imitada marca de qualidade, porque é tam estreito o seu mercado?

O galego vence os mitos das cidades

Miguel Pardo — Thu, 17 May 2012 08:30:18 +0200

Na Semana das Letras, os expertos advirten do descenso do uso do galego, sobre todo nas cidades, onde resiste máis do que din algúns estereotipos. Segundo os últimos datos, só en Compostela o idioma propio segue a ser o maioritario, mentres que Ferrol e Vigo son as urbes onde menos se emprega a lingua do país.

Feijóo pide un galego "que non separe", a oposición ínstao a cumprir a lei

David Lombao — Thu, 17 May 2012 08:23:38 +0200

O presidente erixe a lingua galega nunha "autovía" no Panteón de Galegos Ilustres. PSdeG e BNG apostan polo cumprimento das leis e normas vixentes en materia de protección do idioma.

Presentan en Portugal un manifesto por unha esquerda aberta, unida "e sen cesións á dereita"

Redacción — Thu, 17 May 2012 08:14:12 +0200

É iniciativa dun conxunto de militantes do Bloco de Esquerdas, dos sectores criticos do PS ou independentes e alertan de que “Portugal afunda-se, a Europa divide-se e a esquerda assiste, atónita”. A presentación oficial terá lugar este xoves en Lisboa

Doodle e Making Off

Begoña Outeiro — Wed, 16 May 2012 19:57:18 +0200

A sociedade civil, ese carracho molesto que tanto patexa e que segue a defender un papel con personalidade de seu vén de amosar que hai moitas ganas, talento, vontade e capacidade de mobilización. Xa que logo deberiamos estrear o tempo das sinerxias, de querer entender a filosofía implícita na figura dos Castellers coa que Google comezou a súa andaina na península apostando dun xeito acertado por unha oferta variada comprensiva co galego á hora das escollas lingüísticas. Todo o demais parece que de momento non toca. Até cando?

Unha marca de cervexa homenaxea os voluntarios do 'Prestige' cunha web e un documental de Isabel Coixet

Redacción — Wed, 16 May 2012 18:38:59 +0200

O filme, Marea Blanca, estréase este mércores en Madrid, aínda que xa se pode ver online. A iniciativa, que conmemora o décido aniversario da catástrofe, complétase cun chamamento a que os voluntarios envíen as súas fotos e vídeos da experiencia, para conformar un arquivo colectivo das súas experiencias.